نصائح ونواهي في تربية طفلك من خبراء التربية

بعض النصائح المأخوذة من تصريحات خبراء التربية العرب في عدد من البرامج التليفزيونية، قد قمنا بجمعها لكِ في مقالٍ واحد يمكن الرجوع إليه لأخذ بعض من الإرشادات السريعة عن التربية الصحية في مجتمعاتنا العربية بشكل خاص:

• جملة “اللي يضربك اضربه” خطيرة على طفلك وبتحوليه لشخص عدواني وبتضغطيه.
• "الضحك والمرح والانطلاق والاسترخاء والتأمل" كل دي حاجات بتقوي مناعة جسم طفلك.
• علشان تبقي قدوة لإبنك لازم يشوفكِ بتعملي أكثر ما بتنصحِ "يعني ماما بتحترم الناس وبتحترمني وبتحترم مواعيدها وكلامها ودينها مش بتقولي احترمني واسمع كلامي وبس.
• لما تحضني طفلك فإنتي بتقللي من إحساس الوجع عنده.
• لما ابنك يتعود أن حاجته اللي مش محتاجها يديها للمحتاج ويشوف ناس هو أعلى منهم حظًا، هيبقى عنده قناعة ورضا.
• لو طفلك مش إجتماعي ماينفعش تضغطي عليه انه يبقى اجتماعي بالعافية علشان مايدخلش في أعراض قلق وتوتر.
• ممنوع استحمام الاخوات مع بعض، ده بيخلي طفلك يحس ان جسمه مباح.. وبيدمر عنده فكرة الخصوصية، لازم طفلك يتعود ان جسمه له خصوصيته.
• من مبادئ التربية إنك لازم تعرفِ أولادك “إن الحياة فيها مشاكل وتحديات هيواجها وهيزعل أحيانًا..” ماينفعش التدليل الزائد.
• ماينفعش تهين طفلك قدام حد لازم يكون بينك وبينه وتديله المساحة يقول ليه عمل كده.
• لازم تشجع ابنك يحكي لكِ كل اللي بيحصل معاه في يومه علشان تعرفِ هو بيتعرض للتنمر أو الإيذاء الجسدي في الحضانة أو المدرسة.
• خطر جدا تغيير مواعيد نوم طفلك في رمضان والسهر لحد ميعاد السحور وعدم النوم في مواعيده العادية، لأن ذلك يؤثر على هرمون النمو لطفلك.
• ممنوع مقارنة طفلك مع أي حد، لأن كل طفل له ظروفه المختلفة عن الأخر.
• بدءًا من عمر سنة، لا يجب على الأم تغيير ملابسها أمام أطفالها.
• الأمان بالنسبة لطفلك رقم واحد بعد الأكل والشرب.. وانفصال الأهل بيهدد أمانه.

نود أن نؤكد أن تربية الأطفال هي رحلة معقدة ومليئة بالتحديات، لكنها مليئة بالفرص أيضًا، هناك دائمًا المزيد لتعلمه واستكشافه في هذا المجال الواسع. لذا، ندعوكم إلى متابعة مقالاتنا الجديدة باستمرار للحصول على أحدث الإرشادات والنصائح التي ستساعدكم في تقديم أفضل رعاية لأطفالكم وضمان نشأتهم في بيئة صحية ومزدهرة. تذكروا أن كل خطوة تخطونها في رحلة التربية هي لبنة في بناء مستقبل مشرق لأطفالكم.