سلطة التونة .. اسرع وألذ أكلة ممكن ناكلها

 التونة المعلبة هي واحدة من اشهر الأكلات السريعة الجاهزة اللي بنلجأ ليها، وتعتبر التونة مفيدة وصحية خاصة لو تم أكلها مع خضروات متنوعة ونشويات.

كتير مننا بيحب التونة بس لو أكل منها كتير ممكن يزهق.

عشان كده النهاردة هنقدم طريقة جديدة لأكلة سريعة معمولة من علب التونة المنتشرة، وأقلها في التكلفة (التونة المفتتة) من أي نوع متوفر ..

الوصفة التالية بيتم تحضيرها في دقائق .. وممكن تكون أكلة رئيسية أو جانبية على الغذاء أو العشاء.

المقادير:

• علبة تونة
• ثمرة طماطم
• ثمرة فلفل رومي
• ثمرة فلفل حامي “اختياري”
• ثمرة بصل
• كابوتشا أو خس
• بقدونس

البهارات:

• خل
• زيت
• عصير ليمونة
• فلفل اسود
• ملح
• بابريكا
• شطة “اختياري”

طريقة تحضير سلطة التونة:

1- تقطع المقادير ( طماطم، فلفل رومي، فلفل حامي، بصل، بقدونس، خس أو كابوتشا ) مكعبات صغيرة كما موضح في الصورة

2- تضاف البهارات ( خل، زيت، عصير ليمونة، ملح، فلفل اسود، بابريكا، شطة ) اولا على التونة وتقلب جيدا

3- ثم تضاف المقادير المقطعة على التونة بالبهارات وتقلب جيدا ايضا

4- ويمكن ان نزين في النهاية بفرع بقدونس في المنتصف 

يمكن ان يقدم معه ثمرة خيار مقطعة وايضا بصل اخضر وجرجير